සැකකරු පොලිස් නිළධාරියාගේ කන සපා පලා යයි

මහියංගනය 48 කණුව සෙරාන ප්‍රෙද්ශයේ නීති විරෝධී මත් පැන් ජාවාරමක් වැටලීමට ගිය පොලිස් නිළධාරීන්ගෙන් එක් අයෙකුගේ කන සපා කා සැකකරු ප්‍රෙද්ශයෙන් පලා ගොස් තිබේ.

අදාල සැකකරු පොලිස් නිළධාරින් විසින් අත්අඩංගුවට ගැනීමෙන් පසු පොලිස් රථයේ සිටියදී මෙසේ වම් කන සපා කා සැකකරු පලා ගොස් ඇත.

කන පසා කෑම හේතුවෙන් තුවාල ලැබූ පොලිස් නිළධාරියා මහියංගන මූලික රෝහලට ඇතුලත් කර ඇති අතර සපා කෑමෙන් සිරුරෙන් වෙන්ව ගිය කණ මේ වන විට සැත්කමකින් නැවත බද්ද කර තිබේ.

සිද්ධිය සම්බන්ධව මහියංගන පොලිසිය වැඩිදුර පරික්ෂණ සිදු කරති.

( ප්‍රේමලාල් රත්නායක / එම්.එස්.කුමාරගේ )