වැලිමඩ පාසල් ළමුන් ඉලක්ක කර ගංජා අලෙවිකල යුවල කොටු

වැලිමඩ නගරය ආසන්නයේ පිහිටි ප්‍රධාන පාසල් දෙකක් ආසන්නයේ පාසල් ළමුන් ඉලක්ක කර ගංජා අලෙවියේ නිරත වු යුවලක් වැලිමඩ පොලිසියෙන් අද දහවල් ( 24 දා ) අත්අඩංගුවට ගෙන තිබේ.

වැලිමඩ පොලිසියට ලද තොරතුරක් මත බණ්ඩාරවෙල පොලිස් කොට්ඨාශයේ නිළ සුනඛ ඒකකයේ ඔලී සුනඛයාගේද සහය ඇතිව අදාල නිවස පරික්ෂා කිරීමේදී මෙම ගංජා තොගය හසුව තිබේ. ගංජා පැකැට් 130 ක් මෙම වැටලීමේදි පොලිසියට සිය භාරයට ගැනිමට හැකිව තිබෙන අතර මෙම එක් ගංජා පැකැට්ටුවක් රුපියල් පන්සියයක මුදලකට පාසල් සිසුන්හට ඉතා දිගු කලක් තිස්සේ අලෙවි කර ඇති බවද මූලික විමර්ශණවලදි අනාවරණය වී තිබේ.

බණ්ඩාරවෙල කොට්ඨාශභාර පොලිස් අධිකාරි සුදත් මාසිංහ මහතාගේ උපදෙස් පරිදි වැලිමඩ පොලිස් ස්ථානයේ ස්ථානාධිපති ප්‍රධාන පොලිස් පරික්ෂක එච්.එම්.ඩබ්ලිව්. හේරත් මහතාගේ මුලිකත්වයෙන් උප පොලිස් පරික්ෂක වරුන් වන ලක්මාල් හා කෞෂල්‍ය , පො:කො: 79751 අසංක , පො:කො: 13367 ජයසුන්දර , පො:කො:රි: 15572 රිෆ්කාන් , පො:ආ:ස: 2067 රණසිංහ , සහ බණ්ඩාරවෙල පොලිස් කොට්ඨාශයේ නිළ සුනඛ ඒකකයේ ඔලී සුනඛයා භාරව කටයුතු කරන පො:කො: 75941 පුෂ්පකුමාර යන නිළධාරින් විසින් මෙම වැටලීම සිදු කරයි.

සැකකරුවන් වැලිමඩ මහේස්ත්‍රාත් අධිකරණයට ඉදිරිපත් කිරීමට නියමිත අතර වැලිමඩ පොලිසිය වැඩිදුර පරික්ෂණ සිදුකරති.