පුහුල්පල යතුරු පැදි අනතුරින් යුවලකට බරපතලයි (Photos)

වැලිමඩ _ බදුල්ල ප්‍රධාන මාර්ගයේ පුහුල්පොල විහාරස්ථානය අසලදී අද දහවල් 1 ට පමණ යතුරුපැදියක් ලොරි රථයක ගැටීමෙන් සිදුවු අනතුරකින් යතුරු පැදියේ ගමන් ගත් යුවලක් බරපතල තුවාල ලබා ප්‍රතිකාර සදහා වැලිමඩ මූලික රෝහලට ඇතුලත් කර තිබේ.

බදුල්ල දෙස සිට වැලිමඩ දෙසට ධාවනය වූ යතුරු පැදියක් වැලිමඩ දෙස සිට බදුල්ල දෙසට ධාවනය වු ලොරි රථයක ගැටීමෙන් මෙම අනතුර සිදුව තිබෙන අතර යතුරු පැදි කරුගේ අධික වේගය මෙම අනතුරට හේතුව බව මූලික පොලිස් පරික්ෂණවලදී අනාවරණය වී තිබේ.

මෙම අනතුරින් යතුරු පැදියටද බරපතල හානි සිදුව තිබෙන අතර තුවාල ලැබුවන් වැලිමඩ දිමුතුගම ප්‍රදේශයේ පදිංචි කරුවන් බවට හෙලිව තිබේ.

අනතුර සම්බන්ධව වැලිමඩ පොලිසිය වැඩිදුර පරික්ෂණ සිදුකරති.