ත්‍රි රෝද රිය උමා ඔයේ (photos)

අද පස්වරු 1 ට පමණ වැලිමඩ _ ඌව පරණගම ප්‍රධාන මාර්ගයේ වැල්ලවත්ත ප්‍රදේශයේදී ත්‍රි රෝද රථයක් මාර්ගයෙන් ඉවතට පැන උමා ඔයට පෙරලීමෙන් එහි ගමන් ගත් එක් අයෙකු බරපතල තුවාල ලබා වෛද්‍ය ප්‍රතිකාර සදහා වැලිමඩ මූලික රෝහලට ඇතුලත් කර තිබේ.

අඹගස්දෝව දෙස සිට වැලිමඩ නගරය දෙසට ධාවනය වීමේදි මෙම අනතුර සිදුව තිබෙන අතර අනතුරට ලක් වන අවස්ථාවේ ත්‍රිරෝද රථයේ රියදුරු පමණක් එහි සිට තිබෙන අතර ඔහු ඌව පරණගම හිඹිලියගහමඩිත්ත ප්‍රදේශයේ පදිංචි අයෙකි.

අනතුරින් ත්‍රි රෝද රථයටද බරපතල හානි සිදුව තිබෙන අතර වැලිමඩ පොලිසියේ රථ වාහන අංශය මේ සම්බන්ධව පරික්ෂණ සිදු කරති.