badulla news
වෙසක් පොහොය නිමිති කර ගෙන වැලිමඩ ගිරාඹේ සිරිපුර බෝධින් වහන්සේ අසල ඉදිකල නව බුද්ධ මන්ධිරයේ බුද්ධ ප්‍රතිමාවක් හා සැරියුත් මුගලන් පිළිම වහන්සේලා තැන්පත් කිරීම ඊයේ ( 29 දා ) විශාල සැදෑහැවතුන් පිරිසකගේ සාධුකාර මධ්‍යයයේ සිදු කෙරින.
ගිරාඹ සිරිපුර තරුණ සංවිධානයේ මූලිකත්වය ඇතිව ප්‍රදේශවාසින්ගේ දායකත්වය ඇතිව මෙම බුද්ධ මන්ධිරය ඉදිකර ඇති අතර ප්‍රදේශයේ ධානපතින් දෙපලක් වන ඇල්ල ප්‍රදේශයේ පදිංචි එස්.ඒ.ආර්. සිරිපාල මහතා සහ වැලිමඩ පොලිසිය අසල අංජන කොන්ක්‍රිට් වර්ක්ස් හි අජිත් ප්‍රේමලාල් මහතා විසින් පිළිම සදහා මූල්‍ය ධායකත්වය ලබා දි තිබින.
වැල්ලවාය රන්දෙනිය ප්‍රදේශයේ සිට අලංකාර රථ පෙරහැරකින් මෙම පිළිම වහන්සේලා සිරිපුර දක්වා වැඩම කල අතර නව බුද්ධ මන්ධිරයේ පිළිම වහන්සේලා තැන්පත් කිරීමෙන් පසු සැදැහැවතුන්ගේ වන්දනාමාන සදහා අවස්තාව ලබා දුන් අතර මේ අවස්තාවට ප්‍රදේශයේ බෞද්ධි පින්වතුන් විශාල පිරිසක් එක්ව සිටියහ.
