badulla news
අඹේවෙල කිරිපිටි කර්මාන්ත ශාලාවකට එරෙහිව සෙනසුරාදා (30) පැවැති උද්ඝෝෂණයේදී එම කර්මාන්ත ශාලාවේ විදුලි බුබුළුවලට හානි සිදුවී ඇතැයි පවසමින් එම කර්මාන්ත ශාලාවේ කළමනාකරු අද (01) පටිටිපොළ පොලිසියට පැමිණිලි කර තිබේ.
ජනතා විමුක්ති පෙරමුණේ ඌව පළාත් සභා මන්ති‍්‍ර සමන්ත විද්‍යාරත්න හා සමස්ත ලංකා ගොවි ජන සංගමයේ ජාතික සංවිධායක නාමල් කරුණාරත්න යන මහත්වරුන් එම උද්ඝෝෂණය සංවිධානය කර තිබූ බවත් එම පැමිණිල්ලේ සඳහන් වෙයි.
නරක් වු දියර කිරි ඇළ මාර්ගයට මුදාහැරියේ යැයි පවසමින් එම කර්මාන්ත ශාලාව ඉදිරිපිට මෙම උද්ඝෝෂණය පැවැත්විණි.
මේ සම්බන්ධයෙන් ග‍්‍රාමිය ආර්ථිකය පිළිබද අමාත්‍ය පි. හැරිසන් මහතා පැවසූවේ එම කම්හලට අලාභ හානි සිදුකිරිම සම්බන්ධයෙන් දැඩි නිතිමය පියවර ගන්නා බවයි.
මේ සම්බන්ධයෙන් පටිටිපොළ පොලිසියට ලද පැමිණීල්ලක් මත පරික්‍ෂණයක් ආරම්භ කර ඇති බව නුවරඑළිය පොලිස් අධිකාරි මහින්ද දිසානායක මහතා පවසයි.
