badulla news
වැලිමඩ සති පොල වෙත රාත්‍රි කාලයේදි විශාල කසල තොගයක් රහසිගතව බැහැර කල ව්‍යාපාරිකයෙකු හට එම කසල තොගය දිනක් පුරා වර්ග කර ඉවත් කිරීමට සිදුවිය.
මෙසේ සිදුවුයේ වැලිමඩ බැලුන්ගල ප්‍රදේශයේ රොටී කඩේ නමින් ප්‍රකට ආපන ශාලා හිමිකරුහටය.
මෙම ආපන ශාලා හිමියා තම ආපන ශාලාවේ විශාල අපද්‍රව්‍ය තොගයක් රාත්‍රි කාලයේදි ලොරි රථයකින් වැලිමඩ ප්‍රාදේශිය සභාවට අයත් වැලිමඩ නගරයේ පිහිටි සති පොල භුමිය වෙත ගෙනවිත් දමා තිබේ.
ප්‍රාදේශිය සභාවේ නිළධාරින් මෙම කසල තොගයේ වු ලියකියවිළි පරික්ෂා කර බලා ඒ අනුව මෙම කසල තොගය ගෙනවිත් දැමු අදාල ව්‍යාපාරිකයා සොයා ගෙන තිබේ. අනතුරුව ප්‍රාදේශීය සභාවේ නියෝගය මත දිනක් පුරා තම සේවකයන් සමග කුණු ගොඩ වර්ග කර ඉවත් කිරීමට මෙම ව්‍යාපාරිකයාහට සිදුවිය.
මෙහිදී මෙම ව්‍යාපාරිකයා හට වැලිමඩ පොලිසිය මගින් නඩු පවරනු ලැබිය.
