badulla news
අද පස්වරු 1 ට පමණ වැලිමඩ නුවරඑළිය මාර්ගයේ උඩුමුල්ල ප්‍රදේශයේදී ලංගම බස් රථයක් හා පෞද්ගලික බස් රථයක් මුහුණට මුහුණ ගැටීමෙන් සිදුවූ අනතුරකින් සිවු දෙනෙකු තුවාල ලබා රෝහල් ගත කර තිබේ.
වැලිමඩ සිට නුවරඑළිය බලා ධාවනය වූ පෞද්ගලික බස් රථයක් හා කැප්පෙටිපොල ඩිපෝවේ සිට වැලිමඩ දක්වා ධාවනය වූ ලංගම බස් රථයක් මෙලෙස අනතුරට ලක් විය.
තුවාල කරුවන් වැලිමඩ මූලික රෝහලට ඇතුලත් කර ඇති අතර බරපතල තත්වයේ පසුවූ පෞද්ගලික බස් රථයේ රියදුරු වැඩිදුර ප්‍රතිකාර සදහා බදුල්ල මහා රෝහල වෙත මාරු කර යවා ඇත.
අනතුරින් බස් රථ දෙකටද දැඩි අලාභ හානි සිදුව ඇති අතර අනතුර සම්බන්ධව වැලිමඩ පොලිසිය වැඩිදුර පරික්ෂණ සිදු කරති.
( ප්‍රේමලාල් රත්නායක / මංජුල සමින්ද / ආර්. කෝගුලන් )
