badulla news
බදුල්ල යාම්පාන වත්ත ප්‍රදේශයේ මාර්ගයක් අසල නවතා තිබූ වෑන් රථයක් ඊයේ රාත්‍රී 7.30 ට පමණ පුද්ගලයෙකු විසින් පැහැරගෙන ගොස් තිබේ.
මෙලෙස පැහැර ගත් වෑන් රථය බදුල්ල දෙයියන්නේවෙල මාර්ගයේ ධාවනය කරමින් සිටියදී මාර්ගයේ ගමන් කල පුද්ගලයෙකුගේ ගැටී ඉන් පසු අසල පිහිටි ගසකද ගැටී නතර වී තිබේ.
මෙසේ වෑන් රථයේ ගැටුනු පුද්ගලයා බරපතල තුවාල ලබා සිටි අතර ප්‍රතිකාර සදහා බදුල්ල මහා රෝහලට ඇතුලත් කිරීමෙන් පසු මියගොස් තිබේ. මෙම අනතුරෙන් මිය ගොස් ඇත්තේ බදුලුපිටිය ප්‍රදේශයේ පදිංචි වයස අවුරුදු 60 ක් පමණ වන පුද්ගලයෙකි.
මෙම වෑන් රථය පැහැරගෙන ඇත්තේ බදුල්ල කනන්වත්ත ප්‍රදේශයේ පදිංචි වයස අවුරුදු 27 ක තරුණයෙක් වන අතර බදුල්ල පොලිසිය විසින් ඔහුව අත්අඩංගුවට ගෙන තිබේ. මෙම අත්අඩංගුවට ගත් පුද්ගලයා බීමතින් සිට ඇති බවද පොලිසිය පවසයි.
සිද්ධිය සම්බන්ධව බදුල්ල පොලිසිය වැඩිදුර පරික්ෂන පවත්වති.
( අරුණ ජයලත් )
