හාලිඇලදී සිදු වූ රිය අනතුරින් දෙදෙනෙකු රෝහලේ

හාලි ඇල කළු පාලම අසලදී ඊයේ (04 දා) පස්වරුවේ සිදුවූ රිය අනතුරකින් දෙදෙනෙකු තුවාල ලබා බදුල්ල මහ රෝහලට ඇතුලත් කර තිබේ.
හාලි ඇල කළු පාලම අසල ලොරි රථයක් හරහමින් තිබී ඇති අතර ඒනිසා මාර්ගය අවහිර වී තිබීම හේතුවෙන් බදුල්ල බණ්ඩාරවෙල මාර්ගයේ පැමිණි යතුරු පැදියක් ඒ අසලින් නතර කරගෙන තිබී ඇත. මේ අවස්ථාවේ පැමිණි බදුල්ල කොළඹ සුකෝපභෝගී බස් රථය නවතා තිබූ යතුරු පැදියේ ගැටීම නිසා මෙම අනතුර සිදුව ඇත.
බස් රථයේ පැමිණි පුද්ගලයෙකු සහ යතුරු පැදි කරු තුවාල ලබා බදුල්ල මහ රෝහලට ඇතුලත් කර ඇති අතර අනතුර සම්බන්ධව බදුල්ල පොලිසිය වැඩිදුර පරික්ෂණ සිදු කරති.

( කරුණාරත්න පල්ලේගම / චන්දන කුරුප්පුආරච්චි )