badulla news
බෝගහකුඹුර දිවිනැගුම බැංකුවට ඊයේ රාත්‍රියේදී හොර රහසේ ඇතුළු වූ පුද්ගලයින් සොයා පොලිස් පරික්ෂණ මේ වන විට ආරම්භ වී තිබේ.
බෝගහකුඹුර දිවිනැගුම බැංකුවේ පිටුපස බිත්තිය සිදුරුකර කිසියම් පිරිසක් හොර රහසේ ඇතුල් වී ඇති බව අද උදෑසන රාජකාරි කටයුතු සදහා පැමිණි දිවිනැගුම බැංකුවේ නිළධාරින් විසින් දැක ඒ බව වැලිමඩ පොලිසියට දන්වා තිබේ. දිවිනැගුම බැංකුවේ දොරවල් වල ඉබිද කඩා ඇති ඉව දැක ගන්නට හැකි අතර මෙලෙස හොර රහසේ ඇතුළු වූ පුද්ගලයින් බැංකු සංගමයේ මුදල් සේප්පුව කැඩීමට උත්සහ කර ඇතත් එය සාර්ථක වී නොමැත.
වැලිමඩ පොලිසියේ ස්ථානාධිපති පොලිස් පරික්ෂක අනුරාධ හේරත් මහතාගේ මූලිකත්වයෙන් මේ පිළිබදව වැඩිදුර පරික්ෂණ සිදු කෙරේ.
( මංජුල සමින්ද )
