badulla news
ජාතික තරුණසේවා සභාවේ බදුල්ල දිස්ත්‍රික් කාර්යාලය මගින් සංවිධානය කල තරුණ කදවුරක් ඔරුබැදිවැව පුහුණු මධ්‍යස්ථානයේදී පැවැත්වින.
රීදිමාලියද්ද ප්‍රාදේශීය ලේකම් කොට්ඨාශයේ යෞවන සමාජ වල තරුණ තරුණියන් සහභාගී කරගෙන පැවැත්වූ මෙම තරුණ කදවුර දෙදිනක් පුරා පැවැත්වූ අතර මෙහිදී නායකත්ව පුහුණු වැඩසටහන් , ආකල්ප සංවර්ධන වැඩසටහන් , රසවින්දනාත්මක වැඩසටහන් හා ක්‍රීඩා වැඩසටහන් සදහා තරුණ තරුණියන්ට සහභාගී වීමට අවස්ථාව සලසා දී තිබින.
ජාතික තරුණ සේවා සභාවේ ඌව පළාත් අධ්‍යක්ෂ මෙරිල් ක්‍රිස්ටස් වාස් , බදුල්ල දිස්ත්‍රික් තරුණ සේවා නිළධාරි කේ.ඩබ්. ගුණපාල යන මහත්වරුන්ගේ ප්‍රධානත්වයෙන් මෙම වැඩසටහන පැවති අතර රිදීමාලියද්ද තරුණ සේවා නිළධාරි චාමර ශ්‍රීමාල් මහතා ඇතුළු විශාල පිරිසක් මේ අවස්තාවට එක්ව සිටියහ.
( මංජුල සමින්ද / ප්‍රේමලාල් රත්නායක / ආර්. කෝගුලන් )
