badulla news
මේ දින වල පවතින දැඩි නියං තත්වය හේතුවෙන් ඌව පරණගම ප්‍රදේශයේ ප්‍රධාන ජල මූලාශ්‍රය වන හාල්ඔය සිදීයෑමෙන් ප්‍රදේශයේ අර්තාපල් හා එළවළු ගොවීන් දැඩි පීඩාවට පත්වී තිබේ.
ගොවීන් සදහන් කරන්නේ ණය වී කල වගාව නියගයෙන් බේරා ගැනීමට ණය තුරුස් වී හෝ ජලය පොම්ප කිරීමට සිදුවී ඇති බවය. ජලය වගාවන්ට පොම්ප කිරීම සදහා ඉංධන හා විදුලිය සදහා විශාල වියදමක් යන බව ගොවීහු කියති. තවද ජල මෝටර් සහ කුලී කරුවන් සදහාද ගෙවීම් කිරීමට සිදුවීමෙන් තමන් දැඩි පීඩාවට පත්ව ඇතැයි ඔවුහු කියති.
පොම්ප කිරීමට පවා ජලය හාල්ඔයෙහි නොමැති අතර බලධාරින් මැදිහත් වී අසරණ වී ඇති තමන් හට ඉංධන සහනාධාරයක් හෝ ලබා දෙන ලෙස ඔවුහු ඉල්ලා සිටිති.
( ප්‍රේමලාල් රත්නායක / මංජුල සමින්ද )
