දුව අරන් පැන්නාට එක්දරු පියාට පිහිපහර

උඩුවර හතේ කණුව ප්‍රදේශයේ තරුණියක හා පෙමින් බැදී පසුව ඇයව අඹු කමට ගත් ඇල්ල කුඹල්වෙල උඩ අරාව ප්‍රදේශයේ එක්දරු පියෙකුට අදාල තරුණියගේ පියා පිහි පහරක් එල්ල කිරීම නිසා අසාධ්‍ය තත්වයෙන් දියතලාව මූලික රෝහලට ඇතුලත් කර තිබේ.

තරුණිය වයස අවුරුදු 22 ක හා එක්දරු පියා වයස අවුරුදු 24 පසුවූ අය වෙති. තම දියණිය රවටා මෙලෙස ප්‍රේම සම්බන්ධතාවයක් ඇති කරගෙන පසුව අඹු කමට ගැනීම සම්බන්ධව උරණ වූ පියා මෙලෙස එක්දරු පියා රැදී සිටි නිවසටම ගොස් මෙලෙස පිහි පහර එල්ල කර තිබේ.

සිද්ධිය පිළිබදව ඇල්ල පොලිසිය වැඩි දුර පරික්ෂණ සිදු කරති.

(ප්‍රේමලාල් රත්නායක / මංජුල සමින්ද )