badulla news
බ/වැලිමඩ ජාතික පාසල ඉදිරිපිට පදික වේදිකාව මත රථ වාහන නතර කර තැබීම හේතුවෙන් පදිකයන් අපහසුතාවයට පත්වී ඇතැයි බදුල්ල නිව්ස් වෙත වාර්තා වේ.
නුවරඑළිය බදුල්ල ප්‍රධාන මාර්ගයට මුහුණලා පිහිටි මෙම විදුහලේ හා ඒ ආසන්නයේ පිහිටි බ/වැලිමඩ විජය විදුහලේ සිසු දරු දැරියන් පන්දහසක් පමණ ඉගෙනුම ලබති. මෙලෙස රථ වාහන පදික වේදිකාව අවහිර වන ලෙස නවතා තැබීම නිසා මෙම දරු දැරියන් මෙන්ම පාසල අසලින් ගමන් ගන්නා ප්‍රදේශ වාසීන්ද දැඩි දුෂ්කරතාවයනට පත්වේ.
පදික වේදිකාව අවහිර වී තිබීම හේතුවෙන් පදිකයන් මාර්ගයේ ගමන් කිරීම නිසා රථ වාහන රියදුරන්ද දැඩි අපහසුතාවයට පත් වේ. එම නිසා බලධාරින්ගේ අවධානය මේ වෙත යොමුවී අනතුරක් සිදුවීමට ප්‍රථම පදිකයන්ගේ ගමන් පහසුව සදහා ඉදිකර ඇති පදික වේදිකාව නිදහස් කර දීම කඩිනමින් කළ යුතුව ඇතැයි බදුල්ල නිව්ස් පෙන්වා දේ.
( මංජුල සමින්ද )
