badulla news
ලංකාව කියන්නේ ඈත අතීතයේ පටන් කුළුබඩු වලට ඉතාමත් සුප්‍රසිද්ධ සහ අපේම කියල අනන්‍යතාවයක් ලෝකය පුරාම තියාගෙන හිටපු රටක්. ඉතින් ඒ වෙනුවෙන් ඌව පළාත , බදුල්ල දිස්ත්‍රික්කය දායකත්වය දුන්න භෝගයන් අතරින් මුල් තැන ගන්න භෝගයක් විදියට තමයි ගම්මිරිස් ඇතුලත් වෙන්නේ.
ගම්මිරිස් වලින් අපිට කොතරම් විදෙස් විණිමයක් උපයාගත හැකිද?
ගම්මිරිස් වලට හා ගම්මිරිස් වලට අගය එකතු කර සිදු කරන නිෂ්පාදන සඳහා ලෝක වෙලැඳපොළේ විශාලා ඉල්ලුමක් තිබ්බා. විශේෂයෙන් සුදු ගම්මිරිස් සහ ගම්මිරිස් වලින් නිපදවන පෙපරීන් තෙල් වලට විශාල ම ඉල්ලුමක් තිබුණා වගේම අමු ගම්මිරිස් හෝ කළු ගම්මිරිස් අපණයනය කිරීමෙන් ලැබෙන ආදායමට වඩා දෙතුන්ගුණයක ආදායමක් ඉන් ලැබීමේ හැකියාවක් තිබුණා.
ඉතිං මේ කරුණු කාරණා සලකා බලලා අපි තීරණය කරා ඉහතින් දක්වපු ගම් කිහිපයක ‘ ගම්මිරිස් නිශ්පාදන ‘කර්මාන්ත ශාලා කිහිපයක් ඇති කරන්න.
එහෙම ආරම්භ කරපු එක් කර්මාන්ත ශාලාවක් තමයි ඌවපරණගම , මස්පන්නේ පිහිටි ගලනිය කර්මාන්ත ගම්මානය. එවකට කුඩා කර්මාන්ත අමාත්‍යංශයේ නියෝජ්‍ය අමාත්‍ය වරයා වූ සුනිල් හඳුන්නෙත්ති සහෝදරයා හා මා ද සහභාගි වී මෙම ගම්මානයේ මූලික වැඩ ආරම්භ කළා.
මේ සඳහා ගමේ තරුණ තරුණියන් කීපදෙනෙක් පුහුණු කොට අවශ්‍ය යන්ත්‍ර සූත්‍ර ඇනවුම් කර සියල්ල සිදු කළා. විශේෂයෙන් කළු ගම්මිරිස් සුදු ගම්මිරිස් බවට පත් කරන යන්ත්‍ර සූත්‍ර පවා ගෙනවා. ඒ අපේ ග්‍රාමීය ගොවි ජනතාවට හොඳ ආදායමකුත්, තවත් පිරිසකට රැකියාවනුත්, උත්පාදනය කරන තැනක් විදියට. බොහෝ මූලික කටයුතු අවසන් කර තිබියදී අපිට අමාත්‍යංශ වල වගකීම් අතෑරලා ආණ්ඩුවෙන් ඉවත් වීමට සිදුවුණා.
ඉන්පසු බලයට පැමිණි අමාත්‍යවරුන් මෙම කර්මාන්තශාලා විවෘත කර ටික කලක් තුළදී වසා අකර්මණ්‍ය තත්ත්වයට පත්කළා. රටට විදේශ විනිමය රැගෙන ඒමටත්, රැකියා උත්පාදනයට, ග්‍රාමීය ගොවියන් තාවට හොඳ ආදායමක් ලබා දීමටත්, අප කළ සැලසුම් එලෙස පසු පසුගිය පාලකයන් අත්හැර දමනු ලැබුවා.
