badulla news
ගමට පොලිසිය වැඩසටහන යටතේ බණ්ඩාරවෙල කොට්ඨාශ පොලිස් අධිකාරි සුදත් මාසිංහ මහතාගේ උපදෙස් පරිදි වැලිමඩ පොලිස් ස්ථානාධිපති ප්‍රධාන පොලිස් පරික්ෂක එච්.එම්.ඩබ්ලිව්. හේරත් මහතාගේ මූලිකත්වයෙන් මිරහවත්ත උඩුපීල්ල ප්‍රදේශය කේන්ද්‍රකර ගනිමින් වැඩසටහන් රැසක් ක්‍රියාත්මක කර තිබේ.
ක්‍රීඩා වැඩසටහන් , සංස්කෘතික වැඩසටහන් , මත් ද්‍රව්‍ය නිවාරණ වැඩසටහන් , ළමා සුභ සාධන වැඩසටහන් , ආධ්‍යාත්මික සංවර්ධන වැඩසටහන් ඇතුළු වැඩසටහන් රැසක් මේ යටයෙත් ක්‍රියාත්මක කර තිබේ.
මෙම වැඩසටහන් යටතේ ප්‍රතිසංස්කරණය කරන ලද උඩුපීල්ල බෝධිය වන්දනාමාන සදහා ජනතාවට භාර දීම සහ මල්පොත ප්‍රජා ශාලාව ප්‍රතිසංස්කරණ කර එහි පිහිටවු නව මුල් ළමා විය සංවර්ධන මධ්‍යස්ථානය විවෘත්ත කිරීම බණ්ඩාරවෙල කොට්ඨාශ භාර පොලිස් අධිකාරි සුදත් මාසිංහ මහතාගේ ප්‍රධානත්වයෙන් පසුගියදා සිදු කෙරින.
මේ අවස්ථාවට වැලිමඩ පොලිස් ස්ථානාධිපති ප්‍රධාන පොලිස් පරික්ෂක එච්.එම්.ඩබ්ලිව්. හේරත් මහතා ඇතුළු විශාල පිරිසක් එක්ව සිටියහ.
