badulla news
බණ්ඩාරවෙල පොලිස් කොට්ඨාශයට අයත් පොලිස් ස්ථාන වල රාජකාරි මට්ටමින් විවිධ දක්ෂතා දැක්වූ පොලිස් නිළධාරින් හට ත්‍යාග හා සහතික පත්‍ර ප්‍රධානය වැලිමඩ සැරේ බර්ඩ්ස් උත්සව ශාලාවේදී පැවැත්වින.
ඌව දිශාව භාර නියෝජ්‍ය පොලිස් පති ගාමිණි ඇල්ලේපොල හා බණ්ඩාරවෙල කොට්ඨාශ භාර පොලිස් අධිකාරි සුදත් මාසිංහ යන මහත්වරුන්ගේ ප්‍රධානත්වයෙන් මෙම උත්සවය පැවැත්වින.
මෙහිදී පොලිස් කොට්ඨාශයේ විවිධ දක්ෂතා දැක්වූ පොලිස් නිළධාරින් ඇගයීමට ලක් කල අතර පොලිස් නිළධාරින්ගේ උසස් අධ්‍යාපන දක්ෂතා දැක්වූ දරුවන් හට ත්‍යාග පිරිනැමීමද මෙහිදී සිදුවිය.
වැලිමඩ පොලිස් ස්ථානාධිපති පොලිස් පරික්ෂක අනුරාධ හේරත් මහතා ප්‍රමුඛ වැලිමඩ පොලිසිය විසින් මෙම උත්සවය සංවිධානය කර තිබින.
( ප්‍රේමලාල් රත්නායක / මංජුල සමින්ද )
