රිය අනතුරින් තරුණයා මරුට (Photos )

වැලිමඩ කැප්පෙටිපොල මාර්ගයේ පරණ උසාවිය අසලදී ඊයේ රාත්‍රියේ යතුරු පැදියක් ලොරි රථයක ගැටීමෙන් 19 හැවිරිදි යතුරු පැදිය පැදවූ තරුණයා ජීවිතක්ෂයට පත්ව තිබේ.

මෙසේ මියගොස් ඇත්තේ කැප්පෙටිපොල කරගස්වගුර ප්‍රදේශයේ තරුණයකි.

කැප්පෙටිපොල ප්‍රදේශයේ සිට වැලිමඩ දෙසට තේ දළු පටවාගෙන පැමිනි ලොරි රථයක වැලිමඩ දෙසින් පැමිණි යතුරුපැදියක් ගැටීමෙන් මෙම අනතුර සිදුව තිබේ. ලොරි රථයේ වේගය පාලනය කර ගැනීමට නොහැකිව මාර්ගයේ ගමන් ගත් තවත් කුඩා ලොරි රථයකද ගැටී තිබේ.

ලොරි රථයේ රියදුරු පොලිස් අත්අඩංගුවට ගෙන ඇති අතර වැලිමඩ පොලිසිය විසින් වැඩිදුර පරික්ෂණ සිදුකරති.

( ප්‍රේමලාල් රත්නායක / මංජුල සමින්ද )