badulla news
දශක ගණනාවක් ගොවිතැනින් රට ස්වයං පෝෂිත කර දැනට ජීවිතයේ සැදෑ සමය ගෙවන කැප්පෙටිපොල ගොවිජන සේවා බල ප්‍රදේශයට අයත් ගොවීන්හට උපහාර පිදිමේ උත්සවයක් කැප්පෙටිපොල විශේෂිත ආර්ථික මධ්‍යස්ථානයේදී පැවැත්වින.
කැප්පෙටිපොල ගොවිජන සේවා මධ්‍යස්ථානයේ ප්‍රාදේශීීය නිළධාරි ජයතිලක මහතාගේ උපදෙස් පරිදි මධ්‍යස්ථානයට අනුයුක්ත කෘෂිකර්ම පර්යේෂණ නිෂ්පාදන සහකාර නිළධාරි වරුන් ඇතුළු පිරිස මෙම උත්සය සංවිධානය කර තිබින.
මුලින්ම ගොවිජන සේවා මධ්‍යස්ථානයේ සිට උපහාර පෙරහැරකින් කැප්පෙටිපොල ආර්ථික මධ්‍යස්ථානය දක්වා ගොවීන් කැදවාගෙන එනු ලැබීය. අනතුරුව සම්මන්ත්‍රණ ශාලාවේදී ඔවුන් කළ සේවය අගයා උපහාර පිදීම සිදුවිය. මෙහිදී උපහාර තිළිණ පිරිනැමීමද සිදුවුහ.
මෙම අවස්ථාවට කම්කරු හා වෘත්තීය සමිති සබදතා රාජ්‍ය අමාත්‍ය රවීන්ද්‍ර සමරවීර , වැලිමඩ ප්‍රාදේශීය ලේකම් ඥාණා නවරත්න සහ හිටපු පළාත් සභා මන්ත්‍රී එස්.ඒ.ආර්. බන්දුසේන මහතා ඇතුළු විශාල පිරිසක් එක්ව සිටියේය.
( ප්‍රේමලාල් රත්නායක / මංජුල සමින්ද )
