badulla news
අතිගරු ජනාධිපති මෛත්‍රීපාල සිරිසේන මහතාගේ සංකල්පයකට අනුව වත්මන් රජය මගින් ක්‍රියාත්මක කරනු ලබන ශරීර සුවතා සතියට සමගාමීව ඌව පරණගම ප්‍රාදේශීය ලේකම් කාර්යාලය මගින් වැඩසටහන් රැසක් ක්‍රියාත්මක කර තිබේ.
ඌව පරණගම ප්‍රාදේශීය ලේකම් චමිල ඉංදික ජයසිංහ මහතාගේ උපදෙස් මත ඌව පරණගම ක්‍රීඩා නිළධාරි ප්‍රසාද් විජේතුංග මහතා විසින් මෙම වැඩසටහන් සංවිධානය කර ඇත. මේ යටතේ වෛද්‍ය සායන , ශරීර සුවතා වැඩසටහන් , දැණුවත් කිරීමේ වැඩසටහන් ඇතුළු වැඩසටහන් රැසක් මේ මස 07 වන දා සිට 16 වන දින දක්වා පැවැත්වේ.
මේ යටතේ රාජ්‍ය නිළධාරින් සදහා සංවිධානය කල වෛද්‍ය සායනයක් හා බෝ නොවන රෝග පිළිබදව දැණුවත් කිරීමේ වැඩසටහනක් ඊයේ ( 10 දා ) ඌව පරණගම ප්‍රාදේශීය ලේකම් කාර්යාලයීය පරිශ්‍රයේදී පැවැත්වින. මෙම වැඩසටහන ඌව පරණගම සෞඛ්‍ය වෛද්‍ය නිළධාරි කාර්යාලය හා එක්ව සංවිධානය කර තිබින.
මෙම සායනය වෛද්‍ය චින්තක විජේසූරිය මහතා ඇතුළු සෞඛ්‍ය වෛද්‍ය නිළධාරි කාර්යාලයේ කාර්ය මණ්ඩලය විසින් පැවැත්වූ අතර රාජ්‍ය නිළධාරින් රැසක් සායනය සදහා සහභාගී වි සිටියහ.
(මංජුල සමින්ද )
