ඌව පළාතේ පරිපාලන නිළධාරින්ගෙන් 80% ක් පිට පළාත් වල අය_ ඌව මහ ඇමති කියයි

ඌව පළාතේ වැඩ කරන පරිපාලන නිළධාරින්ගෙන් 80% ක් පමණ පිට පළාත් වල අය බැව් ඌව පළාත් මහ ඇමති චාමර සම්පත් දසනායක මහතා පැවසීය.

අමාත්‍ය වරයා මේ බැව් ප්‍රකාශ කලේ ඌව පරණගම ගලහගම ප්‍රදේශයේ පැවති රැස්වීමකදීය.

මෙහිදී තව දුරටත් අදහස් දැක්වූ අමාත්‍ය වරයා

1818 දී ඉංග්‍රීසින් ඌව පළාතට කරපු විනාශය නිසා වර්ෂ 200 ක් ගිහිල්ලත් අපේ පළාතට ඒ විනාශයේ තරම තවමත් දැනෙනවා. බ්‍රිතාන්‍ය ආණ්ඩුවට, ලෝක බැංකුවට අපි ණයයි කියනවා. අපි ණය නෑ. හරිනම් ඒ ණය කපා හරින්න ඕනෑ. මොකද එහෙම විනාශයක් අපට 1818 කලේ. අපි ඉන්නේ එහෙම පළාතක. එහෙම පළාතක ජීවත් වන ගමන් තමයි අපිට නැගී සිටින්න වුනේ. මේ විනාශය නිසා තමයි ඌව පළාතේ උගතුන් බිහිවුනේ නැත්තේ. අපේ පළාතෙන් බිහිවුන පරිපාලන නිළධාරින් මෑතක් වෙනම් කී දෙනාද හිටියේ. අදත් ඌව පළාතේ ඉන්න පරිපාලන නිළධාරින්ගෙන් 80% පිට පළාත් වලින් ඇවිත් තමයි මෙහේ පරිපාලන කටයුතු කරන්නේ. අපේ පළාත ඒ වගේ පීඩාවට පත් වෙලා ඉදිරියට ඒමේදී ඉදිරියට ගැනීමේ වැඩි වගකීමක් ගත්තේ ස්වාමින් වහන්සේලා.

( ප්‍රේමලාල් රත්නායක )