badulla news
වර්ෂ 35 කට අධික කාලයක් සංගීත ක්ෂේත්‍රය වෙනුවෙන් සිදු කල මෙහෙවර හා කැපවීම ඇගයීම වස් සංගීත විශාරද ධර්මදාස කාංගන මහතාට හට උපහාර පිදීමේ උත්සවයක් කැප්පෙටිපොල මහා විද්‍යාලයේ ශ්‍රවණාගාරයේදී පැවැත්වින.
මෙපමන කලක් ඔහුගෙන් සංගීතය හැදෑරූ සිසු සිසුවියන් මෙම උපහාර උත්සවය සංවිධානය කර තිබින. උපහාර උත්සවයේදී සභාව ඇමතු උඩරට අමරපුර නිකායේ මහා නායක නුවරඑළිය චන්ද්‍ර ජෝති හිමියන් කියා සිටියේ දැනට අසනීප තත්වයේ පසුවන ධර්මදාස කාංගන ගුරු පියානන් ප්‍රදේශයේ සංගීත ක්ෂේත්‍රයට කල සේවය අමරණීය බවය.
මෙම උපහාර උත්සවය නැටුම් ගැයුම් වැයුම් වලින් වර්ණවත් වූ අතර ධර්මදාස කාංගන මහතාගෙන් ශිල්ප හැදෑරූ විවිධ වයස් ඛාංඩ වල හා විවිධ ක්ෂේත්‍ර වල දැනට නියැලෙන සිසු සිසුවියන් මෙම ප්‍රසංගය ඉදිරිපත් කලහ.
( ප්‍රේමලාල් රත්නායක / එම්.එස්. කුමාරගේ )
