ත්‍රී රෝද රියදුරු සිහිසුන් කර ගෙල බැදි මාලයට විදියි

වැලිමඩ ඩයරබා ප්‍රදේශයේදී ත්‍රි රෝද රථ රියදුරෙකුට සිසිල් බීම දෙන මුවාවෙන් මත් බීම වර්ගයක් දී ඔහු ගෙල බැදි රුපියල් හතලිස්දාහක් පමණ වටිනා රන් මාලය සොරාගෙන තිබේ.

වැලිමඩ නගරයේදී අදාල ත්‍රි රෝද රථයෙන් නාදුනන පුද්ගලයන් තිදෙනෙකු කුලියට ඩයරබා ප්‍රදේශයට ගොස් ඇති අතර එක් ස්ථානයක නතර කර ත්‍රි රෝද රථයේ රියදුරුට මත්පැන් පානය කිරීමට යෝජනා කර ඇත. රියදුරු එය ප්‍රතික්ෂේප කල පසු ඔහුට සිසිල් බීම ලබා දී ඇති අතර සිසිල් බීම පානය කිරීමෙන් අනතුරුව ත්‍රී රෝද රථයේ රියදුරු සිහිසුන්වී තිබේ. අනතුරුව ඔහු සතු රන් මාලය කොල්ලකා පලා ගොස් ඇතැයි වාර්තා වේ.

ත්‍රී රෝද රථයේ රියදුරු ප්‍රතිකාර සදහා වැලිමඩ මූලික රෝහලට ඇතුලත් කර තිබේ.

( ප්‍රේමලාල් රත්නායක / මංජුල සමින්ද )