වැලිමඩ අධ්‍යාපන කලාපයට ජය

ඌව පළාතේ අධ්‍යාපන කලාප අතර පැවති 2016 පාසැල් ක්‍රීඩා තරගාවලියේ ශූරතාවය දිනා ගැනීමට වැලිමඩ අධ්‍යාපන කලාපය සමත් විය.

ලකුණු 332.5 ක් ලබා ගනිමින් සමස්ථ ශූරතාවය වැලිමඩ අධ්‍යාපන කලාපය දිනා ගත් අතර අනු ශුරතාවය ලකුණු 269.5 ක් ලබා ගත් බණ්ඩාරවෙල අධ්‍යාපන කලාපයේ ක්‍රීඩක ක්‍රීඩිකාවන් සමත් විය.

වැලිමඩ , බණ්ඩාරවෙල , වැල්ලවාය , මහියංගනය , බිබිල , බදුල්ල , මොනරාගල , වියළුව හා පස්සර යන අධ්‍යාපන කලාප නියෝජනය කරමින් මෙම තරගාවලිය සදහා ක්‍රීඩක ක්‍රීඩිකාවන් විශාල පිරිසක් එක්ව සිටියහ.

මෙහි සමාප්ති උළෙල ඌව පළාත් ප්‍රධාන අමාත්‍ය චාමර සම්පත් දසනායක මහතාගේ ප්‍රධානත්වයෙන් වින්සන්ට් ඩයස් ක්‍රිඩාංගනයෙදී පැවැත්වින.

( අරුණ ජයලත් / මංජුල සමින්ද )