badulla news
පසුගිය දා විහාරාධිපති ස්වාමින් වහන්සේ විසින් කපා දමා ලෑලි ඉරූ දිවුරුම්වෙල පුරාණ විහාරස්ථානයේ බෝධීන් වහන්සේ බොදුබල සේනා සංවිධානයේ මහ ලේකම් ගලබොඩ අත්තේ ඥාණසාර හිමියන්ගේ නිරික්ෂණයට අද ලක්විය.
දායක සභවේ ඉල්ලීමක් මත ඥාණසාර හිමියන් විහාරස්ථානයට වැඩම කළ අතර දායකයන් හමුවී සිදුවූ කරුණු පිළිබදව උන් වහන්සේ සාකච්ඡාවකද නිරත වූහ. මෙහිදී බදුල්ල නිවුස් වෙත අදහස් දැක්වූ ගලබොඩඅත්තේ ඥාණසාර හිමියන් ප්‍රකාශ කලේ පුරා විද්‍යා බලධාරීන් හා අදාල පාර්ශව තමන් දැණුවත් කරන බවත් මේ සිද්ධියේදී ඉදිරියටත් දායකයන්ට ශක්තිය දෙමින් ඔවුන් වෙනුවෙන් පෙනී සිටින බවත්ය.
මෙහිදී මහානායක හිමියන්ට සිද්ධිය පිළිබදව දැනුවත් කිරීමට අවශ්‍ය උපදෙස් ඥාණසාර හිමියන් දායකයන්ට ලබා දුන්නේය.
වැඩිදුරටත් අදහස් දැක්වූ ඥාණසාර හිමියන් කියා සිටියේ මේ වන විට ඉංදියානු ව්‍යාප්තවාදය විවිධ ස්වරූපයෙන් ක්‍රියාත්මක වන බවත් ඉපැරණි බෝධීන් වහන්සේ කපා සීතා කෝවිලක් මෙම බෞද්ධ විහාරස්ථානයේ ඉදිකිරීමට කටයුතු කිරීම ඉන් එක් පියවරක් බවත්ය.
( ප්‍රේමලාල් රත්නායක / මංජුල සමින්ද )
