බොරලන්ද රිය අනතුරෙන් කාන්තාවක් මරුට

(ආර්. කෝගුලන්)

බොරලන්ද බෝගහකුඹුර මාර්ගයේ ඊයේ සවස සිදුවූ රිය අනතුරකින් බරපතල තුවාල ලබා රෝහල්ගතව සිටී 53 හැවිරිදි කාන්තාව ජීවිතක්ෂයට පත්වු බව පොලිසිය කියයි.

බොරලන්ද ආරාමය අසලින් පාර මාරුවූ කාන්තාවක් බෝගහකුඹුර ප්‍රදේශයේ සිට බොරලන්ද නගරය දෙසට ධාවනය වූ ලොරි රථයක,ගැටීමෙන් මෙම අනතුර සිදුව ඇති අතර, මෙම අනතුරින් බරපතල තුවාල ලැබූ කාන්තාව දියතලාව මූලික රෝහලට ඇතුළත් කිරීමෙන් අනතුරුව අද සවස ජීවිතක්ෂයට පත්ව තිබේ.

මෙසේ මිය ගොස් ඇත්තේ 53 හැවිරිදි, ඌවපරණගම බඹරපාන ප්‍රදේශයේ පදිංචි කාන්තාවකි.

අනතුර සම්බන්ධව වැලිමඩ පොලිසිය වැඩිදුර පරීක්ෂණ සිදුකරයි.